PEB YEEB CEEB FORUM
PEB YEEB CEEB FORUM


Most active topic starters
Admin
NTU 1 TSIM TSAA MOOB LUB NEEJ Vote_lcapNTU 1 TSIM TSAA MOOB LUB NEEJ Voting_barNTU 1 TSIM TSAA MOOB LUB NEEJ Vote_rcap 

Latest topics
» NTU 1 TSIM TSAA MOOB LUB NEEJ
NTU 1 TSIM TSAA MOOB LUB NEEJ EmptyWed Oct 23, 2019 4:18 am by Admin

» NAM NKAUJ NOG MUAM NKAUJ LIG
NTU 1 TSIM TSAA MOOB LUB NEEJ EmptyWed Oct 23, 2019 4:15 am by Admin

» TXIV NRAUG NTSUAG TUB LAB
NTU 1 TSIM TSAA MOOB LUB NEEJ EmptyWed Oct 23, 2019 4:01 am by Admin

» Chinese DJ Remix 2019
NTU 1 TSIM TSAA MOOB LUB NEEJ EmptyThu Sep 26, 2019 11:53 pm by Admin

» Peem Kev Txom Nyem Yuav Kev Tau Zoo
NTU 1 TSIM TSAA MOOB LUB NEEJ EmptyThu Sep 26, 2019 11:50 pm by Admin

» My Facebook Friends Photos
NTU 1 TSIM TSAA MOOB LUB NEEJ EmptyTue Sep 17, 2019 1:02 am by Admin

» You Make Me Smile My Angel
NTU 1 TSIM TSAA MOOB LUB NEEJ EmptyMon Sep 16, 2019 6:05 pm by Admin

» A Cute Poem For Cute Girl
NTU 1 TSIM TSAA MOOB LUB NEEJ EmptyMon Sep 16, 2019 6:00 pm by Admin

» You Are My Princess
NTU 1 TSIM TSAA MOOB LUB NEEJ EmptyMon Sep 16, 2019 5:55 pm by Admin

Who is online?
In total there is 1 user online :: 0 Registered, 0 Hidden and 1 Guest

None

[ View the whole list ]


Most users ever online was 67 on Tue Apr 12, 2016 7:42 am
HMONG STORY........EARTH


HMONG ORIGINAL......EARTH


MUSIC VIDEOS PLAYLIST

Maps Mini Blobe

You are not connected. Please login or register

NTU 1 TSIM TSAA MOOB LUB NEEJ

Go down  Message [Page 1 of 1]

1NTU 1 TSIM TSAA MOOB LUB NEEJ Empty NTU 1 TSIM TSAA MOOB LUB NEEJ on Wed Oct 23, 2019 4:18 am

Admin

Admin
Admin
NTU 1 TSIM TSA MOOB LUB NEEJ ( Tsim noob qoob noob loo )

Qeb 1:   TSIM TUG TXHIB NTAWG ( Xwm kab, Tug coj kev )
" Zoo le nwg nuav ces ntuj nkig teb hav cam sis vog nub txheej tshoj thaum ub ces raug tau lub ntuj lug txoos tsim tau tub nraug lab ( tub lab siv yig xeem xais ) le koj cev lug moog nyob. Cag nwg nuav ces yog tau nub txheej tshoj thaum ub zaj nab peb hlis tshav, zaj luav peb hlis cua. Cag nplaj teb nuav ces ntuj qhuav lis qhawv txug xya naj teb qhuav lis qho txug xya xyoo. Noob xyoob tuag tu caj noob ntoo tuag tu ceg ( noob moob ) Nplaj teb dlo qas cuas lug xya naj nplaj nrag dlo qas dlus lug xya xyoo. Nkauj ab nraug oo tas nyob twg le txawm noob xyoob ? Cav twg le txawm tau noob ntoo ? Cav tas noob xyoob txawm nyob peg ntxwj nyoog qab cooj qab. Noob ntoo nyob peg qab nkauj npuas. Zoo le nwg nuav nkauj ab hab nraug oo tas caag tub txib los tsis muaj. Tub khaiv los tsis tau yuav tso leej twg moog muab noob xyoob nkawm twg moog muab noob ntoo ? Cav tas yuav tso nkauj puj tseeg lis tseev moog muab noob xyoob peg ntxwj nyoog qaab cooj qab. Tso puj tseeg lis tseev moog muab noob ntoo peg ntxwj nyoog qaab nkauj npuas. Puj tseeg lis tseev ya plho moog ntsib ntxwj nyoog nkawm tub yug nyuj, ua cav ntxwj nyoog nkawm tub yug nyuj has tas ua cav txhua naj koj tsis ntuj caag txhua xyoo koj tsis tsiv xyoo nuav koj yuav tuaj moog tug tsi ? Puj tseeg lis tseev has tas nplaj teb peb hlis tshaav zaj luav peb hlis cua. Noob xyoob ces tuag tu caj noob ntoo ces tuag moog tu ceg. Ntuj dlo lis cuas lug xya naj teb dlo lis dlug lug xya xyoo. Zag nuav yog lawm nkauj ab hab nraug oo tso kuv tuaj moog muab noob xyoob peg ntxwj nyoog qaab cooj qab. moog muab noob ntoo peg ntxwj nyoog qaab nkauj npuas. Noob xyoob muaj los tsis muaj noob ntoo tshuav los tsis tshuav ? Ua cav ntxwj nyoog nkawm tub yug nyuj has tas noob xyoob tshuav lawm naj peb tuab re noob ntoo tshuav lawm naj peb tuab rau. Puj tseeg lis tseev ya plho moog txug peg ntxwj nyoog qaab cooj qab. Tsuab zoj noob xyoob naj ib teg re nqa lis ncuv tuaj ntawm ncauj, muab zoj noob ntoo tuaj ib teg rau nqa lis ncuv tuaj ntawm taw. Puj tseeg lis tseev yaa plho rov lug txug nplaj teb. Nkauj ab nraug oo tas puj tseeg lis tseev koj muab noob xyoob hua lis hawv tuaj nruab roob muab noob ntoo hua lis hawv tuaj nruab ha. Cav nwg nuav ib hlis peb caug nyoog ua cav noob xyoob moog ua kaug poob noob ntoo moog ua kaug hlaav. Ua cav noob xyoob tuaj lawm naj peb tuab tug noob ntoo tuaj lawm naj peb tuab tsob. 
Nwg nuav noob xyoob hlub tav txuj, muaj ib tug yog nag kus tug. Muaj ib tug ca hlub moog tav ci, puj maab yawm sua dlua kaab puj maab yawm sua txav coj moog hab vaab. Muaj ib tug ca txawj nkag nqeg tuaj txug tub txawg nqeg tuaj poob. Muab txav lis nrawg naj ob tog txhij phua plhawv tuaj nruab nraab muab ua lawm tub tuaj tug cwj moog qhuab kaab. Zoo le nwg nuav muab cwj qhuab kaab phua lis plhawv tuaj plaub ceg muab ua lawm puj saub tug cwj nqeg qha tub tuaj kev. Yuav muab ntaus ndlag rua koj leej tub tej npoo ncoo. Yog ob saab qheb ces yog lawm neej tsug yog ob saab khwb ces yog lawm dlaab tsug. Yog ib saab qheb ib saab khwb ces yog lawm neej dlaab chaw sib txuas lug nua nas.
Qhov nuav ces yog ib qeb, ntawm nuav ces yog tag ib quag koj txais koj txhaj tau nua tov ! "

http://pebyeebceeb.board-directory.net

Back to top  Message [Page 1 of 1]

Permissions in this forum:
You cannot reply to topics in this forum